Panto yn gadael marc parhaol yn Rhosllannerchrugog
PANTO YN GADAEL MARC PARHAOL YN RHOSLLANNERCHRUGOG
Mae trigolion cymuned Rhosllannerchrugog wedi penderfynu sefydlu grŵp ddrama amatur ar ôl llwyddiant creu pantomeim cymunedol i ddathlu’r Nadolig ar S4C.
Dyddiau wedi i’r llenni gau ar gynhyrchiad ‘Wizard o Rhos, Uffe’n’ am y tro olaf i actorion a thîm cynhyrchu Seren Nadolig Rhos, daeth y criw ynghyd i drafod prosiectau i’r dyfodol. Ymhlith yr enwau a gynigwyd i’r grŵp ddrama yw Cwmni Theatr Uffe’n.
Mae’r trigolion bellach yn paratoi ar gyfer eu cynhyrchiad nesaf yn y flwyddyn newydd.
Cafodd Seren Nadolig Rhos ei lansio ym mhentref Rhosllannerchrugog nôl ym mis Medi gan yr impresario lleol Stifyn Parri. Yno wnaeth Stifyn, sydd wedi perfformio ar lwyfannau’r West End a chynhyrchu rhai o ddigwyddiadau mwyaf Cymru, osod yr her i’r gymuned o gynhyrchu pantomeim yn Theatr y Stiwt. Y panto hwnnw fydd ymhlith uchafbwyntiau S4C ar ddiwrnod Nadolig.
Meddai Dylan Williams, un o gynhyrchwyr y panto, “Dros y misoedd diwethaf yn gweithio ar ‘Wizard o Rhos, Uffe’n’ dwi ‘di gwneud ffrindiau newydd, ennill sgiliau newydd a darganfod awch newydd i berfformio. Roedd yr holl griw yn gytûn ein bod eisiau parhau â’r prosiect a’r gobaith yw gweithio ar gynyrchiadau newydd yn 2012 a thu hwnt. Rydym yn hynod ddiolchgar i Stifyn a’r criw cynhyrchu am roi’r cyfle ini fod yn rhan o rywbeth anhygoel sydd wedi uno trigolion Rhos.”
Mae seiliau cadarn wedi’u gosod ar gyfer ffrindiau gydol oes ers i gamerâu Seren Nadolig Rhos ddechrau dilyn y pentrefwyr yn eu paratoadau ac mae’r trigolion yn parhau i gyfarfod yn y Stiwt yn wythnosol i wylio’r rhaglenni wrth iddynt gael eu darlledu ar S4C.
Eglura Stifyn, “Dwi wrth fy modd i glywed fod gan actorion a chriw’r cynhyrchiad gynlluniau i barhau fel uned pan fydd y camerau wedi hen ddiflannu. Megis dechrau yw’r daith iddyn nhw. Yr anrheg ‘Dolig gorau erioed yw bod S4C wedi llwyddo i adael marc yn yr ardal. Yn sicr fe fyddai’n archebu fy nhocyn ar gyfer y prosiect nesaf.
“Nôl ym mis Medi, hadyn bach oedd gen i yn fy mhen bryd hynny ac mae’r hadyn hwnnw bellach wedi tyfu’n flodyn lliwgar ac arbennig. Dros y misoedd diwethaf, dwi ‘di cael y fraint o weld y cynhyrchiad yn datblygu ac roedd y perfformiadau terfynol yn anhygoel. Roedd Theatr y Stiwt dan ei sang a phawb wedi mwynhau canu, actio a dawnsio.”
Meddai Garffild Lloyd Lewis, Cyfarwyddwr Cyfathrebu S4C, “Mae Seren Nadolig Rhos wedi cydio yn nychymyg ein gwylwyr, a bydd y panto ei hun yn un o uchafbwyntiau Dydd Nadolig S4C. Mae’n amlwg fod y prosiect wedi ennyn cryn ddiddordeb yn ardal Rhosllannerchrugog hefyd, ac rydym yn falch o glywed bod awydd i barhau â’r gweithgareddau yno.”
Bydd Seren Nadolig Rhos yn cyrraedd uchafbwynt ar ddiwrnod Nadolig am 17:50. Mae modd gwylio penodau blaenorol y gyfres ar wasanaeth dal i fyny S4C, s4c.co.uk/clic.
Seren Nadolig Rhos
Diwrnod Nadolig, 17:50, S4C
LEGACY OF TV PANTO LIVES ON IN COMMUNITY
Members of the Rhosllannerchrugog community are to set up their own amateur dramatic society after enjoying success in creating a festive pantomime for Welsh language Channel S4C.
The stars of fly-on-the-wall series Seren Nadolig Rhos (Rhos Star of Christmas) got together days after their final production of ‘Wizard o Rhos, Uffe’n’ to discuss future projects and the creation of Cwmni Theatr Uffe’n, which is the project’s working title.
Locals are now planning their next production in the New Year.
Seren Nadolig Rhos was officially launched in the village of Rhos back in September by local impresario Stifyn Parri. Stifyn, who is no stranger to performing on stage and producing big showpieces, set the challenge of creating a pantomime at the Stiwt Theatre. That panto would then be broadcast on S4C on Christmas Day.
Dylan Williams, one of the panto’s producers, says “I’ve made new friends for life, developed new skills and developed a passion for performing whilst working on ‘Wizard o Rhos, Uffe’n’ over the past few months. We were all agreed that we didn’t want this journey to end so the wheels are now in motion for us to continue with productions in 2012 and beyond. As a group, we’re grateful to Stifyn and the production team for giving us this opportunity and for bringing a real community spirit back to Rhos.”
New friendships have been formed since Seren Nadolig Rhos began and the village continues to meet at the Stiwt each week to watch the programmes broadcast on S4C.
Stifyn explains, “I’m thrilled to hear that the cast and crew are planning to set up an amateur dramatic group after the television cameras have left. This is only the beginning of their journey. Knowing that S4C has managed to leave a legacy in the area is the best Christmas present I could have ever wished for. I’ll certainly be reserving my tickets for their next project.
“Back in September, the panto was just a little seed in my head and now that seed has blossomed into something amazing. Watching the project develop has been a real highlight of my career. Their final performances last weekend were outstanding and they received a well-deserved standing ovation by the sell-out audience. ”
S4C’s Director of Communications, Garffild Lloyd Lewis, says “Seren Nadolig Rhos has captured the imagination of our viewers and the finale will be one of S4C’s Christmas Day highlights. It’s obvious the project has had an impact in the Rhosllannerchrugog area too, and we’re delighted to hear that local residents are keen to continue with activities.”
Seren Nadolig Rhos reaches its conclusion on Christmas Day at 17:50. Previous episodes of the series can also be seen on S4C’s online catch-up service, s4c.co.uk/clic.
Seren Nadolig Rhos
Christmas Day, 17:50, S4C